Яулык бәйләү серләре
27.06.2019 “НАЗ” үзәгендә хезмәт белән дәвалау инструкторы Кәбирова Ләйсән өлкән яшьтәге хатын-кызларга, яулык бәйләүнең төрле ысулларын кулланып, “Яулык бәйләү серләре”дигән темага мастер класс оештырды.
Коръән
ашларында, мәчетьләрдә, вәгазьләрдә һәм көндәлек тормышта хөрмәтле хатын-кызларыбызны
матур һәм тиешенчә киендерәсе килүне тормышка ашыру максатында яулык, палантин
бәйләү серләрен җентекләп өйрәтү теләге туды. Мастер класс үткәрү турында сүз
чыгуга, ял итүче хатын-кызларыбыз бу теләкне хуплап алдылар, өйләреннән
төрледән–төрле матур, купшы яулыкларын, шарф–палантиннарын, энә–кадагычларын
алып килделәр. Кайберләре, хаҗилар алып кайтып бүләк иткән, кадерле истәлек
яулыкларын, шарфларын ничек кулланырга белмичә кыенсыныбрак йөрүләрен дә
яшермәделәр. Яулыклы әбиләребез, апаларыбыз яшәреп–матурланып киттеләр. Иң әһәмиятлесе: ял итүчеләребез үзләренә яхшы энергия
тупладылар, бер– берләре белән тагын да якыннанрак аралаштылар, дуслаштылар.